Ram in hmasawnna tak tak a neihtheihna tur chuan, hruaitu tha an pawimawh hmasa a, hruaitu tha chu, mipuiin an thlawp tlat a tul bawk.
Tuna Politician ni a sawi thinte hi, a tehtu a zirin Politician ti a chhalngam loh an awm nual maithei. Politics chuan ram hmasawnna tur chu a tumbulpui ber a nih miau vangin.
Engvanginnge kan awmna Political Party chuan Sorkarna siamse ti a kan duh thinna hi, kan chhandan a zirin hmasawnna tak tak kan duh leh duhloh a hrilh thui ngawt ang.
Hmasawnnatur ruhrel liantak, Sub Contarc a thawhtur takngial pawh Ruling Party Worker tan a awmtheilo, mipuiin an chhawr em em tur nge kan duh a, keimahni ngeiin kan thawh theihtur hna tenaute te, tihte hi zawhna awmanga langlo, ram hmasawnna kan duh leh duhloh tehfung atan erawh a hmangduh tan hmantheih a ni awm e.
Hna hi Sorkar hna hian a daih tawhlo tih a chiang a, mamawh aia tam chhawr a ni tawh hial maithei. Ram hian hma a sawn kan duh tak tak chuan, hruaituten awmzenei a ruahmanna an siam a, heihian hma lo la teh u, ti a sumfai inpek ngawt hi a fuhber lova, Sorkar in mithiam tamtak a neihte hi hmantangkai an tul a, ramdang mithiam te pawh rawih ngam hial a tul ang.
Tun dinhmun ah chuan State pumpuia Sorkar kan neih tawhte hian a takram thlengpha hian mipui hi an la hruailo a ngaitu pawh awmse, an tanfung a zirin hnial an har viau awm e.