Ram inrelbawlna leh hmasawnna atan Budget siam a ni thin a, chu chu Session ah sawiho a pawm a ni thin tih chu hrelo a awmtheihloh hial awm e.
Mahni a roinrel theihna nei, State, UT, ADC ah te pawh Budget siamin Session ah pharh a ni a, pawm a ni thin a, helaia, mahni a Budget insiam thei tih laitak hi hriatfuhloh chuan, ram hruaitute demvak theih an niin a hriat.
Mizoram a ADC te Budget kalphung atang hian engemawchen chu a fiah theiin a rinawm. ADC te hian mahni a sum thawhchhuah, ram hmasawnna atan a khungluha, Budget han tisang lawih tham a nei rihlo a ni ber a, tun dinhmun ah chuan, State Sorkar lamin, Central atanga sum an hmuhtur atanga ADC te chanpual atan hetizathi ruahman nise ti a, an phalzat huamchhungah ADC te hian Budget hi an lo siam a, a nihna takah chuan, State atanga an pawisa hmuhtur bithliahsa huamchhungah, a hmanna tur an lo ruahman a ni ber awm e.
Hetiang hi a nih thin vangin, hmasawnna hna thawh nan kumin chu dah teuh teh ang aw, tihngawt theih a nilova, helai hi mipuiin hriatpui a, ADC Sorkar te chu Budget ah hmasawnna tur dahtlem lutuk a sawi ngawt pawh a fuhlohna chin a awmthei in a hriat a, engpawhnise, Budget pawnlam atanga hmasawnna hailutthei hruaitu mamawhna a nasatzia leh helam hawia hmalak a tulzia hriatna thatak a ni thei awm e.