LADC a Executive Member-te lakluh an ni

Vawiin December 22, 2020  khan Lai Autonomous District Council Sorkar a Executive Member pakua te chu Additional DC, Pu K, Vanlalthiana'n rinawmna thu tiamtirin Executive Member atan a lalut

LADC a Executive Member lakluhna inkhawm hi LADC Hall a neih niin, LADC Sorkar thar a Chief Executive Member in Executive Member tur a a ruat mi pakua te chu lawmluh niin, chanvo dang chelh tur te pawh Chief Executive Member Pu Mangmunga Chinzah chuan a puang nghal bawk.

Executive Member atan a lawmluh te hi Lawngtlai-III bialtu MDC, Pu T.Lalengmuana, Lungtian bialtu Pu Sanghuliana Mualchin, Bualpui NG West bialtu MDC, Pu V.Zathanga, Sekulh bialtu Pu Lallawmsanga Apetow, Cheural bialtu Pu C.L.Lianzuala, Sangau West bialtu MDC Pu K.Hre-Kung, Chawngte 'P' bialtu Pu Andrew Laltlanzara,  Vathuampui bialtu Pu C.Rongura leh Lawngtlai Bazar bialtu MDC Pu Lalropuia Chinzah te an ni.

Chief Executive Member leh Executive Member pakua ten an enkawltur hna chanpual pawh siamfel nghal a niin, CEM chuan Vice Chairman Planning & Development Committee atan Vengpui bialtu Pu VL Hmuaka a ruat a, Bungtlang South Bialtu MDC Pu L.Lalhmachhuana chu Town Committee Chairman atan a ruat in, Sakeilui Bialtu Pu Tuturu Singh chu Deputy Chief Whip atan a ruat a, Tuithumhnar bialtu MDC Pu H.Lalmuansanga chu Adviser to CEM atan ruat a ni bawk

Chief Executive Member Pu Manghmunga Chinzah chuan Executive Member te leh mawhphurhna dang neitur a ruatte chu a lawmpuii thu sawiin, Council huang pawn lam ah hmasawnna hna haichhuak tur a tanla turin a chah a, Mipui,Kohhran hruaitute leh Chanchinbumite chu LADC Sorkar khalhngil a ngaihna ah a ep zawng nilova, a siamtha zawng a englaipawh a thurawn pe a, finchhuah thin turin  CEM chuan a ngen bawk.

Executive Member tur a ruatte hian vawiin vek khan an Office an luah nghal a, Pathian hnen a inhlanna hun leh thawktute nen inhmelna an nei nghal a ni.