Council inthlan boruak a sang chho viau tawh a, pawnlam ah ri hut hut leh thawm dang neih a rem lova, hetih rual hian, Candidate leh anmahni puitute erawh chuan intin a lut in beihpui an thlak chho mek a, hnar hleihtheih an nilova, dem theih pawh an ni hran lova, a pawiber chu, tun ang hripui len lai leh Council inthlanpui a in nang hi a ni a, helai column ah hian Inthlan hun sawn tur a a nawr thei ten nawr se a that a rinawm thute pawh sawi a lo ni tawh a, tute bengkhawn mah a hlawh lo niin a hriat a, tun dinhmun ah chuan Election vang hian Hri hi mipui ah a darh viau thei tih hi kan pawm a a tul a, engtinnge kan inven ang tih hi kan buaipuitur lianber a ni hial in a rinawm.
Hetia, inthlan hi kan hmachhawn dawn a nih tak rau rau chuan, MDC bial pakhat ah Candidate te hrechianglo leh, ram leh bial an kaihhruai dan tur hre chianglo lutuk Voters an awmlo tur ah ngai ila, Inthlan campaign hi, hri pudarh lo zawng a kalpui dan tur VLTF ten emaw duangin, chu chu zawm mai nise, awmzia thuitak a neiin a rinawm.
Campaign piahlam ah mipui punkhawm huntur Vote thlakni tak hi, hripui darh nan a hunremchang thaber a ni hialin a rinawm, engtinnge ni ta ang, State Election Commission hian hri hi mipui ah a darh a hlau takzet a nih chuan, awmze nei takin Vote thlakdan tur pawh ruahmanna a siam tur ah ngai ila, a hahdam thlak hrih awm e.
Tags
Editorial