Positive enkawldam pakhat chhuahtir a ni.

     Lawngtlaia COVID-19 positive enkawl dam mi 1 CCC atangin chhuahtir a ni

      Lawngtlai District-a COVID-19 positive case, Zoram Medical College (ZMC)-a RT-PCR hmanga swab sample endik nawn a nih hnua negative ta hmeichhe 1 chu nimin  khan Lawngtlai Covid Care Centre (CCC) atangin dam taka chhuahtir a ni.

          Nimina positive dama chhuahtir tak hi July ni 28, 2020-a ZMC-a sample test nawnnaa negative ta, Lawngtlai CCC-a a dinhmun thlithlai zui, nimina Lawngtlaia Rapid Antigen Test hmanga a negative tih nemngheh nawn leh a ni a. Lawngtlai CCC-a duty Dr Elsadai B. Lalbersiama'n dama chhuah a nihna lehkha (discharge certificate) hlanin, ni sarih chhung mahni in lama fimkhur taka inkhung hran chhunzawm rih turin CCC atang hian chhuahtir a ni.

        Hetihian Lawngtlai District-a positive case hmuh chhuah tawh zawng zawng 23 atangin dama chhuak 20 an awm ta a. Tun dinhmunah positive case CCC-a enkawl lai hmeichhe 3 an la awm mek a ni.