1. PMAY-G Scheme hi kum 2016 khan India Prime Minister in Agra, Uttar Pradesh-ah a hawng a.
2. Tuna Ministry of Rural Development in inkaihhruaina a siam dan ang chuan Phai ramah Rs. 1,20,000/- leh Tlang ram ah Rs. 1,30,000/- in In sak tanpuina pek tur a ni a. Hemi bakah hian Central Sokar Scheme dang atangin PMAY-G Insak tanpuina dawngtute hi – Ek in, Gas Connection, Electric Connection leh Tui thianghlim in tur te hi pek theih an ni. Heng Scheme enkawltu Department-te hian PMAY-G insak tanpuina dawngtute hi dil kher ngailo in heng tanpuina te hi an lo pe tura ngaih a ni.
3. PMAY-G hnuai a insak tanpuina dawngtu tur te hi kum 2011 a Central Sawrkar Ministry of R.D. in Social Economic Caste Census (SECC) 2011 an neih ami List atanga thlan ani a. Hei hi Central Sawrkar thu anga tih a ni, State sawrkarin thu a nei lo. A hnuah he chhiarpui hi tun thlengin neih leh nih loh avangin Kum 10 dawn hnuah pawh he List a mite lo chu he Scheme hnuaia tanpuina pek theih a ni lo.
4. PMAY-G Scheme enkawlna atan hian Ministry of R.D. chuan Software a duang a, AwaasSoft a ni a, he Software ah hian PMAY_G dawng tur te chu thun thin a ni a. Amaherawhchu Ministry-in he Scheme hnuaia tanpuina dawng tur hi thlan thar emaw dah belh a remti rih lo a ni.
5. Hetih lai hian State Sawrkar chuan Insak tanpuna dawng tlak leh tanpuina mamawh em em mi tam tak SECC List-a chuang lo an awm tih a hria a. Hemi anih avang hian Ministry of R.D. ah vawi tam tak List thar survey tura ngenna a thehlut a. Chumi ang chuan Insak tanpuina dawng tur chu Kum 2018 khan Survey that leh a ni. Heng survey thar List hi Software Pakhat–AWAAS+ ah dah that an ni a. Mahse, SECC List a mi, Insak tanpuina pek ngai zawng zawng te hi pek zawh vek an nih hma chuan AWAAS+ list a mi te hi Ministry–in tanpuina pek an la remti lo a ni.
6. Tun hnai ah AWAAS+ list a awm te hi Ministry of Rural Development in verify na atan an Aadhaar number lakhawm a, system a thun tur in min ti a. Hei hi a thar thlanna ni lo in, list a awmsa verify (enchian) leh na mai a ni a. Thun thar emaw lo dah belh emaw a rem hrih lo a ni.
7. Heti chung hian Mizoram Sawrkar chuan AWAAS+ ah pawh hian insak tanpuina mamawh tak tak la tello an awm tih a hria a. Thun belh theih dan kawng zawng in Ministry of Rural Development, Government of India lam te dawr in, theihtawp a chhuah reng a. Chutihlai erawh chuan Ministry lam chuan AwaasSoft tanpuina pek tur thlan sa te hian In sa zo vek phawt rawh se an tih avangin hetiang tur hian hma lak mek ani a. Chutih rual chuan a mamawh tak tak in Insak tanpuina an hmun ngei theihna tur in Mizoram Sawrkar chuan hma a la reng zel bawk a ni.
Issued by District Rural Development Agency, Lawngtlai.