Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 89 a ni a. Lawngtlai District-a COVID-19 positive mi 3 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.
Nimin khan state pawn atanga lo haw mi 5 lo thlen belhin, Medical Quarters-ah dah an ni a. Medical Quarters atang vek hian khung hran hun bi hmang zo a, RT-PCR test-a negative mi 5 chhuahtir an ni thung.
Nizan hmasa khan Lawngtlai District atanga swab sample 13 chu Zoram Medical College (ZMC)-ah RT-PCR test tih niin, a negative vek a. Lawngtlai District atanga swab sample thawn tawh zawng zawng hi 1223 niin, hei bakah hian Lawngtlaiah Rapid Antigen Test hmangin sample 46 endik a ni ve tawh bawk a. Result hriat tawh chinah positive case 24 hmuh chhuah tawh niin, dama chhuak 21 an awm tawh a, enkawl lai 3 an la awm mek a ni.
Tun dinhmun ah Sorkar enkawl Inkhunghranna hmun ah khunghran lai mi 68 an awm mek a, an ni bak ah hian Inlam a khunghran Home Quarantine 21 an awmmek bawk.
Tags
News