Lawngtlai ah mi 129 khung hran mek an awm

      Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin  tlai dar 5 thleng khan mi 129 a ni.

     Nizanhmasa a Zoram Medical College (ZMC)-a RT-PCR test-ah Lawngtlai District atanga swab sample 11 endik chu a vaiin a negative vek a. He'ng zingah hian COVID-19 positive pakhat sample test nawnna pawh a tel. 

    Lawngtlai District atanga ZMC-a RT-PCR test tura sample thawn tawh zawng zawng hi 1177 niin, result nghah lai a awm tawh rih lo va, Lawngtlaiah Rapid Antigen Test hmangin sample 4 endik a ni ve tawh bawk. Test tawh chinah positive case 23 hmuh chhuah tawh niin, dama chhuak 20 an awm tawh a, positive case 3 la awm mekte hi Lawngtlai Covid Care Centre-ah enkawl niin, ngaihtuahawm an awm lo.

 Nimin  khan state pawn atanga lo haw mi 10 lo thlen belhin, Medical Quarters-ah mi 7 leh Tourist Lodge-ah mi 3 dah luh an ni a. Quarantine centre atanga chhuahtir erawh an awm lo.

 Tuna Lawngtlai District-a quarantine dinhmun chu Tourist Lodge, ah mi- 11 an awm mek a, Circuit House, ah - 9, PWD Inspection Bungalow -ah mi  6,  Medical Quarters - 66, Covid Care Centre - 4 (Positive case 3)