Lawngtlai a government quarantine facility leh home quarantine-a khung hran mek zat chu nimin tlai dar 5:00 thleng khan mi 89 a ni a. Nizanhmasa a Zoram Medical College (ZMC)-a RT-PCR test atanga Lawngtlai District mi COVID-19 positive hmuh chhuah thar 6 an awm a, positive thar 6 hmuhchhuah te hi, mipa 2 leh hmeichhia 4, kum 19-23 inkar, Delhi atanga lo haw vek an ni a. An vai hian Quarantine Facility a awm mek, COVID-19 symptoms neilo an ni. Tihian positive awm sa 4, nen mi 10 chu Lawngtlai Covid Care Centre (CCC)-ah enkawl niin, ngaihtuahawm an awm lo.
Nimin khan state pawn atangin mi 1 lo thlen belhin, Tourist Lodge-ah dah a ni a. Tourist Lodge atang vek hian khung hran hun bi hmang zo va, RT-PCR test-a negative mi 4 chhuahtir an ni thung.
ZMC-a RT-PCR test tura Lawngtlai District atanga swab sample thawn tawh zawng zawng 1247 chu result hriat kim tawh niin, Lawngtlaiah Rapid Antigen Test hmangin sample 46 endik a ni ve tawh bawk a. Result hriat tawh chinah positive case 31 hmuh chhuah tawh niin, dama chhuak 21 an awm tawh a, enkawl lai 10 an la awm mek a ni.