Inrinni zan a ruahsur nasa vangin Lawngtlai ah leimin a awm nual

        Inrinni zan a ruahsur nasa vangin, Lawngtlai khawpui chhung a leimin a awm nual a, chhiatna liantham thleng erawh hriattur a awm lo.

         Hriattheih chin ah Lawngtlai a veng hrang hrang ah leimin a awm nual a, College Veng a UPC(NEI)   Biak In chhak min chuan, Biak In bang chhak lam a tichhe nual a, a theih ang angin thenfai nghal a ni a, Lawngtlai Chandmary Veng a Remsiampuia te kawmthang chu a min nual bawk a, Electric Veng a leimin in Maxicab pakhat a chhilh nual a, azan la la khan lakchhuah nghal a ni a, Bazar Veng a MJ Junior English School bul pawh a min nual bawk.

         Lawngtlai District Hospital thlang pawh a minbelh leh a, chhiatna liantham thleng erawh a awm rih lo.