Vathuampui leh a chhehvel te hian kawngpui tha an mamawhzia chu sawi tam a ngai lo ang, tunhnai mai ah, Vathuampui khawtlang chuan an khaw panna kawng siam lai chu an duhthu a samloh vangin an tichhia a, heihian sawizui pawh a hlawh viauin a hriat a ni.PWD a Engineer pakhat chuan Social media lam ah, tuna kawngpui tihchhiat hi, kawngpui atana rin maitur a nihloh thu leh leh, a enchhinna chauh a nih thu a sawi a, an thu han thlir hian, thil langchiangta chu, thiltha duh ve ve, inhriatpawhlohna vangin thilthalo a thleng ta a niber a, a pawi khawp mai.
Mipui vangin sorkar a awm a, sorkar hian mipui tan a hma a lakna te hi a kip a kawiin mipuiten an hriatvek a tul kherlo thei, an hriattur awm ang tal chu hria nise, Vathuampui khawtlang chetna hi a thlengin a rinawmloh a, mipui lam hi, thiltha an duhna ah an thiam angin an che mai niin a hriat a, an thuchhuah lam a tarlan vek nisilo ah hian, mipui mangang hian chet thawhloh theihlohna a awm pawh a ni thei tho bawk ang.
Engpawhnise, hmasawnna hna ah te, mipui tana sorkar in hna a thawh te hi, tun ai hian an thawhsak mipuite hian a nihphung an hriattheih nan a hmalak a tul viauin a hriat a ni.
Tags
Editorial