Dan pangngai ang chuan, kumin kumtawp lam ah Council inthlanpui neih a ni dawn a, tun ah pawh helam hawi a hmalakna thawm hriattur a awm chho tan tawh.
Campaign hi inthlanna ram ah thil thar a nilova, Political Party leh Candidate ten enganginnge ram hruai an tum dan tih hi mipuiten bukthleng an lo lekna tur a ni a, Manifesto hian awmzia a neih leh neihloh chu, inthlanna lo neih tawh thin a, sorkarna chelhtute kaldan atangin a hriattheih ang.
Politics a a pawimawh laiber chu, eng Politics nge kan khelh tih lai hi a ni a, thlantlin lo ni ta se, sorkarna siam tase, ramin engang hmasawnna nge an lakah beiseitur a neih tih lai hi a pawimawh lai a nih laiin, thlir kan erawh a hlawh deuh thinin a hriat lawi si.
Politics luhchilh a, ram veituten Politics hi khel maisela, mipui nawlpui hi chuan, ram hruai an tumdan atangin an duhzawng lo vote maise, chu chuan hruaitu tha a hringchhuak in a rinawm.
Inthlanpui hmabak mek ah pawh, Political Party te hian ram Politics an khel em? An lakah mipuiin ram hmasawnna atan engang beiseina nge an nghah ngam tih lai hi mipangngai chuan an tehna tur a nih a rinawm a, kan Politician te hian Ram Politics an khel em tih hi i chik tlang ila a tha in a rinawm.
Tags
Editorial