Kumin a Independence Day chu State Sorkar leh Council Sorkar in a hmanna a hrang a ruahman in, lawm a ni a, kha khan a hnulam ah sawizui a hlawh phian a, sawizuina hian engnge a puakchhuah ang tih erawh hriatthiam a har.
Autonomous District Council chuan, kumtinin Zalenna Ni champha chu a ropui thei angber a lawm ziah tur a ngaih theih a ni a, heihi engvanga a hran a Independence Day hi lawm ngailo nge an nih tih lam aiin, kumin ah, bul an tan chhan chu thudang ah ngai ila, kumdang ah pawh chhunzawm zel nise a duhawm in a rinawm a, a tul chuan State a Minister te pawh Khuallian atan hian sawm nithin zawk se, he kalphung hi dan kalh te a nih lemloh chuan chinhlen atan a itawm viauin a hriat a ni.
Tun a kalphung a neihsa, Minister leh mipawimawhte insemdarh a, khawpui lian deuh deuhva Zalenna Ni champha an hmang ang hian, Council hruaitute pawn, an bial chhung leh hmun pawimawh zual ah Independence Day hi an hmang chho anga, Independence Day ber Council ruahmanna a ropui taka hman a nih thin chuan, ram mipui ah, hnam a chianna leh hnam ropuina pawh nasa zawkin a tuh ngei ngei in a rinawm.
Council hian ama ruahmanna a a hman hi a remlohna a awmlo a nih loh chuan dan pangngai ah neih chhoh zui a tha mange.
Tags
Editorial