Zirlaibu semtur vailiam

    Nimin zing khan Lawngtlai District SSA hnuaiah Sangau RD Block huam chhunga Zirlai naupangte hnena a thlawna sem tur Zirlaibu leh bungraw dangte DEO leh DPC ni kawp Pi Lalnunthari’n a vailiam.

   Lawngtlai District Samagra Shiksha chuan Lawngtlai District huam chhunga Block hrang hrangah Zirlaibu sem chhuah hna a thawk mek a. Kar kalta Ningani khan Lawngtlai DC Dr. Andrew H.Vanlaldika chuan heng Zirlaibu, a thlawna sem tur hi a thawh khat nan a lo vailiam tawh a, a thawh hnihna Sangau Block huam chhunga Zirlai naupangte tana sem tur hi tukin khan DEO hian a vailiam ve leh ani.

   

            Sangau Block hnuaiah hian Cluster Resource Centre pathum a awm mek a; chung Centre zinga Lungpher Cluster-ah  naupang 1,327 awm mekin Sangau cluster-ah zirlai  1,077 an awm bawk a. Lungtian Cluster-ah Zirlai naupang 946 an awm a, Zirlai naupang zawng zawng 3,350 te hnena sem tur Zirlaibu bakah Inbfiamna hmanrua leh Green Board te tun tumah hian pek an ni dawn a ni.