World Vision India, CADP ten Central YLA hnen ah chhanchhuahna hmanrua an pe

       Nimin khan World Vision India, Chhimtuipui ADP chuan chhiat rupna alo thlen thulh a chhanchhuahna hmanrua chi hrang hrang Central YLA hnenah an pe.

 

     World Vision ten thilpek an hlan hi Chhiatrupna hrang hrang lo thleng leh Lirthei  chetsualna thlen thulh a, chhanchhuahna hmanrua atana tangkai tak tak te, Folding Stretcher, Edelrid Rope Metres 118 a sei te, Solar Lamp 10 bakah Emergency Microphone  leh kham chheng chhia a inkhai chhuahna hmanrua te a ni a, heng bakah hian tunlai hrileng Covid-19 laka in venna hmanrua, Hand Sanitizer 162, 3 Layer Mask leh N95 Mask 500 te ani.

        Thilpek hlanna inkhawm tawi Central YLA Office a neih ah, Paul T. Touthang. Programme Manager, World Vision India, Chhimtuipui ADP chuan World Vision chuan Lai leh Mara District a an hnathawh hun chhung chu kumin 2020 September thla ah a tawp dawn thu sawiin, helaia hna an thawh chhunga District mipuite thawhpuina thatak an dawn avanga lawmthu sawiin, hrileng mek dona kawnga Central YLA hmalakna te chu fakawm atih thu a sawi bawk.

         

           Central YLA aiawh a thilpek dawngtu Pu Joseph Lalhmingthanga, Asst. General Secretary chuan World Vision te thilpek chu tangkai taka hman anih tur thu sawiin, World Vision chu mipuite ta anih angin, miharsa zawk leh retheite tana an hnathawh zawng zawng chu fakawm atih thu a sawi a. Central YLA chu mipuite ta, mipui tana hnathawktu anih angin, thilpek hlu tak tak an dawnte pawh, harsatna tawk te tan a tul apianga hman anih tur thu sawiin, World Vision hnenah lawm thu a sawi bawk.