Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 6:00 thleng khan mi 169 a ni.
Khunghran mek la awm te hi Government Quarantine Facility ah mi 156 niin,Home Quarantine - 13 an ni.
Nizanhmasa khan Guwahati atangin mi 14 lo thlen belhin, Medical Quarters Lawngtlaiah dah an ni a. Zoram Medical College (ZMC)-a RT-PCR test turin nimin khan swab sample 45 thawn a ni a. Sample thawn tawh zawng zawng hi 848 niin, result nghah lai 45 a awm a ni.
Tags
News