Hrikai pahnihte, Thenzawl ah an chawl

 ZMC a Covid-19 kai hmuhchhuah thar Lawngtlai District mi pali zinga mi 2 te chu, kar kalta Thawhtanni khan Aizawl atanga Lawngtlai pana an haw kawngah Thenzawl a thingpui dawr a an chawlh bakah, dawr dangah thil an lei nia hriat anih avangin, vawiin khan Thenzawl Police leh thuneituten uluk takin an sulhnu chhuizui hna an thawk nghal.

        Kan thudawnna in a sawidanin, heng hri kai hmuhchhuah te hian June ni 29 a Lawngtlai an panna kawngah Thenzawl Field Veng, Aizawl to Lunglei World Bank kawngpui sira, thingpui dawr pakhat ah thil an ei a, hei bakah hian kawngpui lehlam dawrte ah thil an lei tih hriat anih bawk avangin, nimin tlai khan Thenzawl CHC hotute, Thenzawl Police leh Thenzawl Town Task Force Committee hruaitute chuan uluk takin heng hri kaite sulhnu hi an enfiah nghal a, thingpui dawr neitute leh hnathawkte bakah, an mahni tlawhpawh hnai      zualte chu inah an khunghrang nghal a, hri kaite nena intawk ngei nia hriatte leh fimkhur ngai zual te chu a rang lama an swab sample lak a, hri an kai leh kai loh enfiah nghal tur anih thu, Thenzawl CHC hotute chuan an sawi. Lawngtlai ah pawh Hrikai hmuhchhuahte bulhnai a awm an awm leh awmloh nguntakin chhuizui nghal a ni.