Hrikai 22 hmuhbelh leh a ni.

 Inrinni khan ZMC-ah Covid-19 sample 465 endik a ni a, 443 chuan hri an pai lova a, hri kai 22 hmuh belh a ni. 

   Hri kai hmuhchhuah tharte hi mipa 19, hmeichhia 3; kum 18 leh kum 56 inkar an ni a. Aizawl  district ami 14, Siaha district ami 4 leh Lawngtlai district ami 4 an ni. Hri kai hmuhchhuah tharte hi state pawn atanga tunhnaia lo haw an ni a. An lo hawna state-te chu Delhi atangin 6, UP atangin 3, Manipur atangin 2, Bihar 1, Punjab 1, J&K 1, Assam atangin 6, Jharkhand atangin 2 te an ni a. Natna lang chhuak 3 leh lang chhuak lo 19 an ni a, inkhunghranna hmuna awmlai vek an ni. Positive zinga 4 hi Assam Rifles an ni a, 10-te hi NDRF mi, Lungverh a awm an ni thung. 

        Kai tharte hi Aizawl Dist ami 14  Lungverh a awm mek 1st Bn, NDRF, E (Echo) Company mi leh sa 10 leh Assam Rifles Zokhawsang ami 4 an ni a, NDRF te hi Manipur, Bihar, Uttar Pradesh, Punjab, J&K Assam leh Jharkhand atanga lo haw te an ni a, Assam Rifles te hi Delhi, Assam leh Jharkhand atanga lo haw te an ni a, natna langchhuak an awm rihlo. Siaha District a mi 4  te hi an vaiin Delhi atanga lo haw an ni a, natna langchhuak 3, leh langchhuak lo 1 an ni. Lawngtlai District amite pawh hi 4 (Mipa vek, kum 18 - 28 inkar)  an ni a, Guwahati, Assam atanga lo haw an ni a, natna lang chhuak an awm rihlo.