Mizoram hi India ram State zing ah ramngaw neitha a ni a, heivang hian a sik leh sa pawh a nuamin, lumlutuklo, vawt lutuklo a ni a, hetiang a nihmek lai hian mihring pungchho zel ah ramngaw zautak a chereu tawh a, heihian sik leh sa pawh a tidanglam chho hret hret a.Hetiang a nih mek lai hian Sorkar chuan hmalakna uar taka kalpuiin, thingphun beihpui thlak in, hma a la thin a, heihian awmzia thuitak a nei ngei ngei dawn a, hetihlai hian duhthusamin Sorkar pawhin hma la zung zung theilo mahse, a sawisel zawng emaw, midangte phurna tihnual thei zawng a thu thehdarh ang chi te hi a fuh lova, thingphun chu a lo thlawna sum luanral tirna ang zawnga ngaih a fuh lova, 100 ah 10 pawh enkawl puitlin nise a lawmawm em em a ni tih hriat a tha in a rinawm a, a sawihnawmtu nilova, hmalakna tawiawm a, a tihlawhtlingtu nih a pawimawh a, heivang hian thingphun hi uar deuh deuh a tul a, kawngpui kam mai nilovin, sorkar hian hmunremchang, ramawl zautha deuh, ramngaw siamna tur te pawh dapin, chung hmunte chu cheibawl nitheise, tuna Tawngtaina tlang leh Helipad tlang ringawt pawh hi enkawlzui atan thingphun beihpui thlak nan a tha viau awm e.
Tags
Editorial