Politician lo ten Politics khelh ve ngawt chi a ni dawn em ni ? Politician ten Politics an khelh lovin, Politician a chhiar ngam a ni dawn em ni?.
Politics chu mitlemte hlawkna tur atan, mi tamtak atna ni hial a sawi te pawh an awm a, an demawmlohna lai a tamin, kan hmuh leh hriatve phak a Politician te hian, heihi an thlendik tir fo vangin, an lakah mipuiin rinna nghah pumhlum harsa an ti thin.
Mizoram chauh pawh hi thlir ila, Political Party ten mipui a thu an vawrhdarh duhdan atang hian, Politics laimu, ram hmasawnna tur tak tak lam hawi hi a khat pharh a, chungnun zawk emaw, chantha zawk nih tum a, inkhera, inbeihna ang chi te chu hriattur tamzawk a ni fo mai.
Lawngtlai District chhungah pawh hian Political Party tana theihtawp chhuah a, an Party atanga ram hmasawnna tur a tana hmalatu ni a lang te thu leh sukthlek hi a chik peih tan chuan a beidawn thlak lek lek chang a awm theiin a rinawm a, Social Media a kan thuthehdarh duh dan leh inep dan hian ram hnuk aiin, tute emaw laka tlaktlum tuma beihna te pawh a an chang a awm thei maithei.
Ramin Politician a neihte hian Politics diktak an khelh hma chuan, hmasawnna tak tak hmuh a har in a rinawm a, State rethei leh chawmhlawm nireng chung si hian, Mizoram in Politician ni a kan lo sawive te hian Politics hi an khel tak tak in kan hria em ?.
Tags
Editorial