Editorial | KAN ZALEN MAH MAH EM ?

    Hripui hian engtikahnge min kiansan dawn a hriatlohva, engtikah nge keimahni ngei hian hri hi kan kai ve ang tih pawh a hriatloh.

     Tundinhmun ah Lawngtlai District ah, hri hi mipui ah a la darhlo niin a hriat a, heivang hian, mipui lam khuahkhirhna pawh thlahdul chhoh deuh a ni a, thlahdul a nihna chhan bulpuiber chu, mipuiin eizawnna kawng, fimkhur taka an zawh theih na tur a ni ber.

      Hetihlai hian khawpui chhung a kan chetvel dan te, khawlai a lengvak kan tam dan atangte hian, inkhuahkhirhna thlahdul hian, hri kan hlauhna a tinep a, keimahni ngei hian hri hi kan kai maithei a ni tih te hi kan pawm lemlo ni a a lanchang a awm fo thei awm e.

     Tundinhmun ah Lawngtlai District ah mipui ah hri hi darhlo mahse, District ramri te khar reng theih a nilova, hri hian nihnih khat lek ah min tuam chiam thei a ni tih hi pawm ila, hrilak a kan himtheih nan a mithiam leh hotuten, tihtur leh tihlohtur an ruahmante hi thatak a zawm a pawimawh khawp mai.

 

       Hri hi a lentirh lai a kan hlauh viau ang khan hlau chhunzawm ila, awmze neilovin chiailo thung ila, hrilak a kan himtheih nan thupek hran kan mamawh lemlo tih hriain, keimahni theuh hian kan pawimawhna i hre nawn ang u.