Lawngtlai District hi kuthnathawk a eizawng tamna District a ni a, Sorkar hna piahlam ah, sumdawnna lam chi khawih mi tam vaklo leh, thiamna leh theihna bik nei mi tamvaklo tih loh chu, a nawlpui a sawi dawn chuan, kuthnathawh chu eizawnnan a hmang tamber an ni.
Hetiang a nih mek lai hian, ram leilung behchhan a eizawnna erawh, khaw thenkhat ah, chhungkaw tam vaklovin kalpui mahse, heihian District pum ah nghawng liantak a nei pha meuh lova, kuthnathawktute hian awmzenei zawkin engtinnge hma an lak ang tih hi veitham a tling a ni.
Sorkar atanga kaihhruaina leh tanpuina lo thinte hi a hlu viau a, hetihlai hian, mahni a inhaiven tum tak tak te an tam siloh chuan, awmzia erawh a nei tam thin lovin a hriat thung.
Engatinge huan loram nghet siam a, sum hailuh kawng ah Lawngtlai District hian hma a sawn mawh viau tih hi ngaihtuah tham a tling a, Politician te behchhan a, engtin tin emaw ei hmuh hram hram tumna hian engemawchen chu, mahni a intodelh tumna a tihniamin a hriat a, State leh Council atanga hmasawnna luangkawp anga lang hian, a dawhfuhte an chetfuh fona te hian, mipui sukthlek a tihnual thei bawk.
Tunang reng hian kan kal dawn lova, kum reilote a ral leh meuh chuan, mahni thawhchhuah ring a chet a la ngai dawn, a nawlpui a kan eizawnna hi awmze nei a kan herdanglam ngam a hun viauin a hriat ani.
Tags
Editorial