Editorial | AWMZE NEI A SUM ENKAWL A TUL

    Pawisa pawimawhna hi sawi ngailova mitin hriatsa a ni a, Pawisa leh hna chuan damchhung a daih, a awmve zel mai, ti a neihsa uina chang hre manglova, tlachhe ta tamtak an awm.

             Sum thawhchhuah tam ringawt hian awmzia a nei tamlova, rinawm taka mahni thawhchhuahsa, awmze nei a hmangthiamte hi miawhawm an ni thin a, diklo taka tamtak thawhchhuah ai chuan, diktaka tlemte thawh chhuah chu a hlu zawk tih zirtirna dawngtu Kristiante zing ah, mahni hlawkna tur a nih dawn chuan, pawisak neilemlo hriattur an awm fur awm e.

           Kan sumbawm ah chuan engzatpawh chhunluh ni mahse, sum khawlkhawm lam ah awmze nei a kan kal siloh chuan, reilote a a ral leh mai thin.

        Hnam fing apiangin sum khawl an uar a, hnam mawl apiangin tullova pawisa hmanral an awlsam a, Mifing hausa te chuan langlolam ah an sum an khawl khawm a, mi mawl hausa chu an inchhungluhin an ro tamzawk hmuhtur a awm an ti thin.

       

          Engpawhnise, awmzenei a sum enkawl hi tute tan pawh zirngai a ni a, hetiang hian tihtur ti a sawi mai theih nilo tamtak, mahni chhungkaw mila kalpui tur tamtak a awmthei a, helam hawi zawng a ngaihtuahna kan sen hi a pawimawh viau awm e.