Tun hnai mai ah, Lawngtlai a khunghranlai, Covid 19 hrikai hmuhchhuah chu, inkhunghrang tur a Lawngtlai an panna ah an fimkhurlo hle tih hriatchhuah a ni a, Lawngtlai mleh Aizawl inkar khaw engemawzat chu a tichiai viau a, Thenzawl ah phei chuan Inkharkhipna khauhtakin kalpui nghal a ni.
Hetihlai hian Social media lam ah Covid 19 hrikai chu inkhunghranna atanga an tlanchhuah thu thehdarh a ni a, hei pawh hian mipui a ti chiai nasa viau bawk.
Heng, dan lova talte hi hrem an nih ngei theih nan Lawngtlai DC kaihhruaina hnuai a mi DLTF chuan hma an la nghal a, a tul angin DC chuan mipuite hriattur awm chi te pawh Chanchinbumite kaltlang in a sawilang a, a lawmawm khawp mai.
Heng thilthleng pahnih hi inanglo mahse, mipui tan himna tiderthawngtu, tul lova mipui chiaina thlentu an nih miau vangin, dan hnuai ah, an chung ah hremna lek hi tihmakmawh a niin a hriat a, tunang boruak rittak kar ah, an suahsual vang lam aiin, mihringpuite pawisaklohna an thlen palh hi, a tisualtute an khawngaihthlak viau laiin, mipui lam hian, hrileng lak ah awmze nei zawk a kaldan an thiam theih nan, pawikhawihtute hian hremna an tawh ngei hi a tul in a hriat ani.
Tags
Editorial