Dist. Hospital thlang, min hlauhthawnawmin a awm mek

   Hunrei tak atanga KMMTTP Kawng, Lawngtlai a Mizofed Filing Station piah, Lawngtlai District Hospital thlang leimin chu tunlai hian a chetbelh leh a, helai chhehvel hi dinhmun hlauhthawnawm ah a ding mek.

     Helai leiminna hmun hi nimin khan Lawngtlai Electric Veng khawtlang hruaitute chuan a hmun ah an en a, an awmlai hian lei hi a tlak reng vangin, helai paltlang tum, lirthei te chu kaltlanglo turin an ngen a, laklawh thil a, lirthei tang te pawh, leimin kar ah kawng thenfai        sakin an kaltlangtir a, helai hmun hi nasa zawka a min mai hlauhthawnawm in a awm mek a, Electric Veng khawtlang hruaitute chuan, leimin chhan nan a Sorkar hmalakna ah tihve theih an neih ah englai pawhin chetchhuah an inhuam thu an sawi.

 

                Helai KMMTTP kawng min hian Lawngtlai District Hospital Building sakthar chu  Metres 30 velion a thleng lova, District Disaster Management Authory lam chuan Silpoulin te khuhin, a venhna hi lo thawk thin mahse, awmzia a nei tam vaklo in a hriat a, KMMTTP kawngpui sialtu RDS Company te chuan leimin chhannan hian hna thawk tan tawh mahse, Inkharkhip vangin mumal takin hna an chhunzawm hleithei lova, tun dinhmun ah phei chuan lei hi a tlak reng vangin, hnathawh ngamna a ni rih lo.