DC in QRT a lawmlut

 Khuarel chhiatna emaw, rikrum thil dang emaw a thlen thulha rang taka che nghal thei tur, Lawngtlai District Disaster Management Authority (DDMA) hnuaia Quick Response Team (QRT) din thara trained specialist volunteer-te chu nimin khan Lawngtlai DC,Dr Andrew H. Vanlaldika,  chuan a pisaah a lawm lut.

 DC chuan Lawngtlai District chu khuarel chhiatna thlen hlauhthawnawmna hmuna awm a nih avangin a venna leh inhmakhuana kawngah inthlahdah theih a ni lo tih a sawi a. Chhiatna a thlen thulha hma lak dan tur zir chhuak sa mi tlawmngai inpe thei Lawngtlai District-in a nei chu lawmawm a tih thu sawiin, QRT member-te chu theih tawp chhuah tur leh an hna tha taka an hlen chhuah theih nan an thiamna tuai hriam a, an hriselna pawh vawng uluk hle turin a chahin, badge, vest leh helmet a hlan .

 

           Mizoram State Disaster Management Authority -in state level leh district tina din tura a tih angin Lawngtlai District QRT hi din a ni a.  Central YLA tirha CTI  Sesawng a training zo tawh mi 9 chu member atan ruat an ni.