CYLA in ABCI ten hnathawh an enpui

      Lawngtlai Khawpui chhung NH 54 in a paltlang, Lawngtlai-III huamchhunga kawngpui khuar  hnawhkhahna atana hmanraw hman chu thlak vek turin Central YLA chuan hnathawktu Company te an hriattir.

      National Highway 54 in a paltlang, Lawngtlai Khawpui chhunga kawngpuite chu, hun rei tawh tak atanga a khuar nasat avanga mipui ten harsatna an tawh thin avangin, Lawngtlai DC  chuan kawngpui khuarte hnawh khat a, a theih ang anga mipui harsatna sutkian anih theih nan, helai kawng enkawl tu NHIDCL Company hotute alo hriattir tawh a,  kar kalta khan Lung leh Lei inpawlh in an  hnawh khat a,  an hnathawh hi a that loh em avangin   Central YLA hruaitute chuan nimin khan Hnathawktu Company hotute nen, Lawngtlai-III huam chhunga kawngchhia an hnawhkhah laite chu en in, kawng khuar hnawh nan an hmanraw hmante thlaktur leh an hnawhtawhsa pawh siamtha turin hnathawktu Company lam hi an ngen a, Company lam chuan hna hi thazawkin thawhzui an tum thu an sawi.

 

         Nikum 2019 November thla atang khan NH 54 kawngpui siam tha tur hian Mizoram PWD chuan NHIDCL kutah an hlan fel tawh a, tunah hian Tawipui North-II atanga 71RCC Camp thleng siam turin ABCI Infrastructure Private Limited  ten hna an thawk  mek a, hetih lai hian Lawngtlai Khawpui kawngpui NH 54 in a paltlang kawngpui khuar chhe nasa zual laite thawmthat a nihdan ah, duhthu a samloh vangin Central YLA  ngenna ngai pawimawhin, hnathawktu Company lam chuan tunkar Nilaini atangin kawngkhuar hnawhkhah hna chu an thawk ang tia sawiin, tuna an hnawhkhahna atana an hman lung leh lei chu an paih  vek ang a, Lung hlang chauh an hman tawh tur thu an sawi.