Covid 19 hrikai, enkawldam mi 11 te CCC atangin chhuahtir an ni.

       Lawngtlai District-a COVID-19 positive case, Zoram Medical College -a RT-PCR hmanga an swab sample endik nawn a nih hnua negative ta mi  11 (mipa 

vek) te chu nimin khan Lawngtlai Covid Care Centre (CCC) atangin dam taka chhuahtir an ni.

       COVID-19 positive dam chhuak  Covid Care Centre (CCC) atanga chhuak turte hi CCC-a anmahni enkawltu Dr Elsadai B. Lalbersiama'n dama chhuah an nihna lehkha (discharge certificate) hlanin, District Medical Superintendent Dr Zothanpari Chhakchhuak chuan dam chhuakte leh an chhungte tana hriat tur pawimawh a hrilhfiah a, chhuah feltir an ni.

         Lawngtlai CCC-a enkawl positive dam chhuakte hi an chhuah hnu hian ni sarih  chhung mahni in lama inkhung hrang chhunzawm  tur leh, hemi chhung hian pawn chhuak lo va, inleng pawh kawm lo va, mahni chhungte nen pawh fimkhur taka khawsa ho turin thu rawn an ni a. Fimkhur tura tih an nih rual hian mi dang tan hlauh       tur leh thinhrik chhan tur a awm lo tih Doctor lam chuan an sawi.

        Heti hian Lawngtlai District-a positive case hmuh chhuah tawh zawng zawng 22 atangin   dama chhuak 19 an awm ta a. Tun dinhmunah positive case CCC-a enkawl lai hmeichhe 3 an la awm mek a ni.