Adhaar Enrolment buaipuituten hlawh an la mumallo

      Sawrkar laipui ruahmanna anga Ration Card leh Adhaar Card Link vek tur a tih anih laiin, Adhaar Card la neilo Lawngtlai District chhungah mi thahnem tak an la awm a, heng mite tana Adhaar Card Operatorte ruahmanna in June Ni 16 atang khan Lawngtlai DC Office Complex ah thlalak runpui neih leh ani a, nimin thleng khan mi 1080 vel thla lak sak an ni tawh a. Thla lak hi Nitin mi 50-60 inkar tihsak thin an ni bawk.

        Hetihlai hian Lawngtlai Adhaar Operator-te chuan kumin 2020 January thla atang khan an hlawh Sawrkarin ala pe niin thu kan dawng a, Sawrkarin angaihsak lo chu hriatthiam har an tih thu sawiin, nimin khan Lawngtlai DC hnenah an lungawi lohna Lehkha thehlut in, tun thla July Ni 13 thleng an ngaihchan tur thu leh, Ni 13 thlenga chanchin engmah an hrelo anih chuan, tiam chin awm lovin an hnathawh an chawlhsan tur thu Lehkha ah chuan an tarlang.

        Lawngtlai a Adhaar Operatorte hi an hlawh ring a chhungkua a khawsa te an nih hlawm avangin, thla tamtak hlawh an lak loh avangin harsatna an tawk mek a, hetih laihian,an hna an chawlhsan anih chuan Lawngtlai District a chhungkaw tamtak, Adhaar Card la neih loh avanga Buhfai an chan pual anga la theilo tur an awm dawn niin a lang bawk ani.