Sample 682 atangin result 433 hriatte an Negative vek

 Lawngtlai District mi leh sa state pawn atanga lo haw, government quarantine facility, community quarantine facility          leh home quarantine-a khung hran mek           zat chu  nimin tlai dar 6:00 thleng khan mi 709 a ni a. An zinga pali, COVID-19 positive-te chu Lawngtlai Covid Care Centre-ah dah hran niin, an hriselna dinhmun vil reng a ni a, ngaihtuahawm an awm rih lo.

       Nizan hmasa khan Lawngtlai District atanga swab sample 181 chu Zoram Medical College (ZMC)-ah RT-PCR test tih a ni a, a negative vek a ni. Heti hian swab sample thawn tawh zawng zawng 682 atangin result hriat tawh 433 awmin, he'ng zinga pali chu positive case a ni a, result nghah lai 249 a la awm.