Sa buk leh rate enfiah

 Lawngtlai a Sa buk diklo leh Sorkar in a mantur a bithliah anga sa zuar ten an hralh thinloh vangin, LADC a Price Control  Committee chuan hma an la mek

 Tunhnai khan Lai Autonomous District Council hnuai a, thilman  bithliahtur a din, Price Control Committee chuan Sa man bithliah tharin, Vawksa chu Kg 1, Rs.400/- a hralhchhuak tur in a ti a, heihi bawhzuiin, nimin Inrinni khan LADC a Sanitation Officer, Pu C.Lalhmunsiama, Price Control Committee a Secretary hovin, Sa zawrhna hmun te fangkualin, buk diktak, a mantur a bithliah anga hralh a nih leh nihloh an enfiah a. Mipui lam pawn, bukdik leh a man dik takin sa hi an leithei phah a ni.

 

         Hetianga hmalakna kalpui a nih mek lai hian Price Control Committee a Secretary, Pu C.Lalhmunsiama chuan Lawngtlai a kan palai a hrilhdanin, Bethel Veng Lawngtlai ah chuan mipui ten sa man diklova an leiduhloh vangin, sa zuar ten a man diktakin an hralh phah a ni