Rural Development . Minister Pu Lalruatkima chuan, ramri a hriven hna thawktute inpekna chu chhuanawm a tih thu a sawi a, mipuite chu mahni intodelh tur a nasa zawka tanla tur a chahin, loneih leh chuktuah huan siam ah tanlak thar ngai a tih thu a sawi a,
Minister Pu Lalruatkima hian Zirtawpni khan Lawngtlai District chhimchhak lam, Myanmar ramri a hriven hna thawktu, Zochachhuah leh Hmawngbuchhuah a VLTF te tlawhin, ram leh hnam tana ramri veng himtute thawh rimna a taka hmuhpui tura thawk chhuak an nih thu sawiin, ram tana an inpekna chu a hlutakzet tih hrilhin, theihtawp chhuah zel turin a chah a, VLTF ten harsatna an neih te pawh a theih ang a ngaihtuahsak a tum thu a hrilh..
Mizoram sawrkar chuan he hripui laka ram leh mipui him nan te,chhuanchham an awm loh nan te theih tawp a chhuah tih Minister chuan sawiin, mipuite paw'n ei leh bara intodelh turin lo neih leh chuktuah huan siam lama tan lak a tul thu a sawi. hripui hi tan rual loh chuan do hneh chi a nih loh avangin khua leh tui zawng zawng tan rual zel a tul a ni, a ti a,
Minister chuan COVID-19 karah RD department hnuaiah mipuite khawsak tihawlsam nana ni za inhlawhna kalpui zel a nih thu sawiin, advance-in ni 26 tihchhuah a ni a, tunah ni 14 thawh mek a ni ati
Tags
News