PWD ten khawpui chhung kawng an thawmtha mek

 

                 Hrileng vanga Sorkar lam pawn an hna engemawzat mumal taka an thawh theihloh kar ah, PWD Lawngtlai Division chuan kawngpui enkawl hna an chhunzawm zel.

  PWD Lawngtlai Division te hian an huamchhung a kawngpuite chu fur ruahsur vanga harsatna thlengthei vennan a theih ang angin an enkawl chhunzawm chho mek a, tunlai hian Lawngtlai khawpui chhung a inkalpawhna kawng te chu tuihawkluankawr te thianfaiin, kawngkam hnim an samfai a, kawngkhuar lai te a theih ang ang an hnawh mek bawk.

       PWD hotute chuan kawngpui enkawlna ah mipuite chu kawngpui tichhe thei leh titlolo thei zawng a che lo tur a ngenin, tuihawk luankawr pawh a pin mai loh nan  bawlhhlawh leh thildang paih nan a hmanglo turin an ngen.