Nizan, zanlai atang khan Lawngtlai ah Partial Lockdown kalpui a ni

Nimin khan Lawngtlai DC Pi Shashanka Ala hova District Level Task Force thukhawm chuan, tundinhmun ah Lawngtlai ah Total Lockdown chu tul rih lovah ngaiin, khuahkhirhna khuahtak hnuai ah, zanin zanlai atangin Partial Lockdown kalpui nise tiin an rel a, hemi hunchhung hian Lockdown thlahdul hret a nih lai a kalphung zulzuiin, Dawr inhawn dantur te, lirthei tlan dan leh kuthnathawktute leh Sorkar Office te chetvel danturte pawh duan niin, hri laka mitin an fihlim theih nan midang hnaihchilh lova, a theih chin chin chu nunphung khaihlak nasa lutuk lova kalpui nise an ti a, mipui nawlpui tan erawh VLTF te hriatpuina lo chuan chetchhuah a rem dawn lo a ni.

           Meeting chuan mipuite chu hri lak a an him nan leh hri darh tur ven nan, Social distancing  te, kut silfai leh Mask vuah ngaipawi mawh turin an duh.

            Meeting ah hian  District Hospital Medical Superintendtn Dr.Zothanpari Chhakchhuak chuan, Lawngtlai District a Covid 19 Positive palai hmuhchhuah a nih tawh thu sawiin, Covid Care Centre ah an vaiin enkawl mek an ni a, an dinhmun a that thu a sawi.