MzSRLM Sangau ten Lawngtlai DLTF-ah thilpek dang an hlan

 Nimin  khan MzSRLM Sangau RD Block hnuaia khaw panga - Pangkhua, Thaltlang, Bualpui NG-I, Bualpui NG-II leh Sangau-II Village Organisation -te chuan Lawngtlaia quarantine facility-a awm te ei in mamawh phuhruk nan Lawngtlai District Level Task Force  kutah chawhmeh leh thei  an hlan.

       Thilpek an hlan hi bawkbawn kg 70, hmarcha kg 50, theihai pum 360, theite parcel 1, antam tel 430, anthur tel 15, maian tel 6, phuihnam kg 120, bean kg 21, samtawk kg 5, thingfanghma pum 10, iskut, maitamtawk, dhania leh nimbu te a ni a. Thilpek hi Lawngtlai DRDA Project Director Pi Marilyn Rualzakhumthangi'n hlanin,   DC Dr Andrew H. Vanlaldika'n a lo dawng a  thilpek petute chungah Lawngtlai DLTF chuan lawm thu an sawi.