Mipui ten Sorkar an thawhpui that vangin Faina lamah hmasawnna a thleng mek- E.M Sanitation

     LADC a Executive Member, Sanitation changtu Pu JC Ngurluaia chuan, Faina leh thianghlimna lam ah Lawngtlai mipui ten Council sorkar an thawhpui that vangin, hmasawnna hmuhtur a awm chho zel ani ati.

        Nimin khan The Lawngtlai Post Editor, Pu Lalngheta Ralte, AIR leh Doordarshan a  Correspondent chu Faina leh thianghlimna lam ah Journalist a nihna hmang a a thawhna ah LADC a Sanitation Department  chuan Chawimawina thuziak leh pawisafai Rs.2500/- an hlan a, he hun ah Pu JC Ngurluaia chuan mipuite chu zirtir ngai an ni a, Department lam chuan mipui kaihruai turin theihtawp a chhuah  reng a, Chanchinbumiten an tawiawm thatna vangin, Lawngtlai khawpui ah faina lam ah hmasawnna chu a thang chak hle a ni a ti.

 

       He hun ah hian Pu Lalngheta Ralte, chuan, Journalist te hnathawh tlemte hriatpuitu LADC Sorkar an nei chu thlamuanthlak a tihthu leh, tanrualna atanga lo chuan hmalakna a hlawhtlin theih loh vangin, Lawngtlai khawpui in hma a sawn chhan ber chu mipui vang a nih thu sawiin, kaihhruaina mumaltak Sorkar in a neih chuan, mipui ten tihhlawhtlin hi an harsat lemlo a ni a ti.

 

          He hun kaihruaitu Sanitation Officer, Pu C.Lalhmun siama chuan, Sanitation Department in kawng hrang hrang a hma a lakna ah, Lawngtlai a Chanchinbu miten an tawiawm tha hle tih sawiin, mipui chu zirtir ngai reng an nih vangin, an hmalakna te uar deuh deuh se a duh thu a sawi.