Lawngtlai West MLA in Quarantine Centre ah thilpek a hlan

            Lawngtlai West MLA chuan nimin  khan Lawngtlai a Quarantine Centre hrang hrang  ah thilpek a hlan a, District Hospital, Covid Care Centre a hmanturin Khum a pe bawk.

          Lawngtlai West MLA Pu C.Ngunlianchunga hian, Doctor te thurawn angin Quarantine Centre te hi aman tlawh kual lovin, a aiawhin a fapa C.Hmingthantluanga'n Central YLA Vice President Pu HC Vanlalruatpuia leh tawiawmna hnuai ah thilpek te hi a hlan a,

 Tundinhmun ah Lawngtlai ah hian Quarantine Centre 14 a awm mek a, heng Centre tin ah hian  Kutkawr, Hmaituamna leh Hand Sanitizer pek vek a nih bak ah Duty te thingpui lum nan pawisa fai pek vek a ni bawk.

        Lawngtlai a Covid Care Centre a hmanturin Lawngtlai West MLA Pu C.Ngunlianchunga hian khum 10 a pekna tur tihfel nghal niin, naktuk hian khum hi Centre ah dahluh nghal tum a ni.

 Pu C. Ngunlianchunga chuan tun a Lawngtlai a hrikai enkawl mekte chu, damna an chan thuai theih nan duhsakna a hlan a, Medical Team te thawhrimna te, VLTF te inpekna te chu chhuanawm a tih thu sawiin, a tawngtaisak thin thu a sawi.