Lawngtlai West MLA in Covid-19 vangin Ambulance bakah thilpek dang a sem

        Lawngtlai West MLA, Pu C.Ngunlianchunga chuan nimin khan District Hospital thuneitute hnen ah Ambulance a hlan bak ah DC, CMO leh Central YLA hnen ah Covid 19 do nan a hmantur pawisa fai leh hmanrua a hlan

            DC Conference Hall ah Hri donan a hmantur Congress MLA in a pekna inkhawm tawi buatsaih, Lawngtlai DC Dr.Andrew H.Vanlaldika kaihhruai ah, Pu C.Ngunlianchunga chuan, hrido turin mahni theihna zawn theuh ah tanrualna a tha a,  Lawngtlai District a Positive te pawn damna  an chan thuai a duhpui thu sawiin, District Hospital thuneitute chu harsatna an neihte a hnen a thlen hrehlo turin a chah a, Congress MLA chuan  Covid 19 hrik enna RT-PCR  lei a tum chu District Hospital thuneituten, an Laboratory in a zawhloh thu an hrilh vangin la leilo a nih thu a sawilang tel bawk.

         

           Lawngtlai West MLA Pu C.Ngunlianchunga hian District Hospital thuneitute hnen ah Ambulance bak ah Face Shield 600, PPE 50 bak ah pawisafai Rs.50,000/- a hlan a, Lawngtlai DC hnen ah hrido nan a hmanturin Rs. 2,00,000/-  a hlan bak ah Central YLA President kut ah  Rs.1,50,000/-  a hlan bawk. MLA hi CEM bak ah Lai DCC hruaitu engemawzatin an tawiawm.