Lawngtlai a ATM te mipui ten harsatna nei lova an hman reng theih dan tur, nimin khan Lawngtlai DC, Dr.Anfrew H.Vanlaldika'n Bank thuneitute a sawipui.
Lawngtlai a ATM Booth pali zing ah tunlai hian Canara Bank, ATM chiah a hmantheih a, SBI, HDFC leh Apex Bank ATM chu hmantheih a niloh vangin, Lawngtlai DC chuan Bank thuneitute chu thil awmdan a sawipui a, ATM chhia siamtha tutur Engineer te kohluh an nihtheih nan DC chuan hma lo lak nghal a tum thu a sawi a, hemi hma hian, ATM thenkhat chhia chu, Bank lam a thawk te inpui tawnin, siamthat tum a hma lo la turin a hrilh bawk.
Dr.Andrew H.Vanlaldika chuan Covid 19 vangin Bank lam pawh mipui nawlpui tan tunhma angin dawr a remlohna chin a awm chho a, hetihlai hian ATM te chu hmantheih reng tur a nih lai a Lawngtlai a ATM pakhat chauh hmantheih a ni chu thilkalphung a nihloh thu sawiin, Bank thuneitute pawh chak zawka hmala turin a hrilh bawk.
Bank lam chuan Security thil ah ATM te chuan software changkang zawk nen thuam chho zel a ni a, a hmangtu mipui lam ten a hmandan tur diktaka an hmanloh palh chuan, an khawl chu a buai hma hle tih sawiin, fimkhur taka hman a tul thu an sawi a, State Bank bik chuan ATM dang pahnih Lawngtlai a bun turin ruahmanna an kalpui mek thu an sawilang bawk.
Tags
News