Lawngtlai DC chuan Chanchanchinbumite chu theihtawp chhuah zelturin a sawm

          Lawngtlai DC, Dr.Andrew H.Vanlaldika chuan Lawngtlai Chanchinbumite chu hridona kawng ah an tangkai takzet tih sawiin, theihtawp chhuahzui tur in a sawm

 

          Nimin khan Lawngtlai District MJA President, All India Radio Correspondent Pu Lalngheta Ralte in Covid 19 News ah India ram pum a Correspondent zing a news neitha thlanchhuah pathum zing a tel lawmpuina, a Office Chamber a neih ah he thu hi sawiin, India ram kilkhawr, Mizoram ah pawh District kirkhawr atangin India ram pum a langpha Lawngtlai District in Journalist a nei chu lawmawm a tih thu sawiin, Lawngtlai a Chanchinbumite chu  an thawkrim hle tih sawiin, chanchinbumite pawimawhna chu hniam theilo, zuallam panzel a nih vangin, tan la sauh sauh turin a chah.

       He hun ah hian District Informatrion & Public Relations Officer Pu C.Lalhruaitluanga pawhin thusawiin, India ram a AIR Corrrespondent mi 520 chuang zing ah Lawngtlai District a AIR  Correspondent in lawmman a dawng thei chu ropui a tih thu a sawi.

           

Nimin a DC leh MJA te inhmuh khawmna ah hian Lawngtlai District ten District MJA Welfares & Pension Rules an duan mek chu Patron member Lawngtlai DC hovin an thlir ho nghal a, July 1, 2020 atang hian Welfares & Pension Rules hi hmantan theih tur a peih fel nise an ti