Lawngtlai a Covid-19 Positive te dinhmun a tha.

 Lawngtlai District Hospital, Covid Care Centre a enkawl mekte chu an dinhmun a tha a, Medical Team ten rilru leh taksa damna an neihtheih nan theihtawp chhuahin an enkawl mek.

       Tun dinhmun ah Lawngtlai a Covid Care Centre ah hian Covid 19 Positive pariat leh hrikai hlauhthawnawm paruk, an vaiin mi 14 enkawl mek an ni a, Medical Superintendent Dr.Zothanpari Chhakchhuak chuan, an vaiin an dinhmun a that thu a sawi.

         Medical Team Dr. Elsadai B.Lalbersiama hovin Covid 19 Positive te leh hrikai hlauhthawn awm ni angaih te hi an enkawl mek a, heng Medical Team te hian rilru leh taksa ah damnna an chan theih nan theihtawp an chhuah a, an mahni kawm hlimin, rilru zangkhai tak an neih theih nan kawng hrang hrang in zirtirin, an hriselna dinhmun nguntakin an en thin.

       

            Hetihlai hian Lawngtlai a Covid 19 Positive te enkawlturin, a tul apiang thawkturin mahni a inpe sawm (10) an awm tawh a, ZMC ah Sample 774 thawn tawhin,  691 Result hriat a ni tawh a, Result nghallai 83 a awm mek a, Lawngtlai District ah hian khunghran lai 509 an awm mek.