Nimin khan Lawngtlai Additional DC, Pu K.Laltlawmlova chuan Lawngtlai a thuthar thehdarhtute kawmin, Lawngtlai a Quarantine lai atangin Positive pahnih hmuh a nih thu leh, hemi avang hian mipui tan chiaina tur a awmloh thu a sawi a, mipuite chu mahni inveng thiam tur leh mithiam ten tihtur leh tihlohtur an sawite zawmthiam tur in a chah.
Lawngtlai a Positive hmuhchhuah te hi mipa ve ve kum 18 leh kum 25 mi an nih thu Medical Superintendent Dr.Zotrhanpari Chhakchhuak chuan sawiin, an taksa ah Covid 19 lanchhuahna engmah a awmloh thu leh Covid Care Centre Lawngtlai ah dah an nih thu a sawi a....
Chief Medical Officer, Dr. Lalthlamuana chuan Covid 19 chu chiai phah nan hmang lovin, hri laka kan himtheih nan mitinte kan fimkhur a pawimawh tih sawiin, midang hnaih chilh loh te, hmaituam leh kutsilfai te chu awlsam taka he hri laka invenna a nih vangin thlahthlam lova uar deuh deuh chu nkan him nan a pawimawh hle a ni a ti.
Chanchinchumite zawhna chhangin Addl DC Pu K.Laltlawmlova chuan, hri kai hmuhchhuahte awmna Quarantine Centre chu tlawhpawh theihloh a siamsa a nih vangin, a hran a helai huamchhung chu Containment Area a puan Sorkar in tul a tih lo tih a sawi.
Health Department hotuten an sawidain tun dinhmun ah Lawngtlai District ah Quarantine Centre hrang hrang ah mi 646 an awm mek a, an ni bak ah Inlam a inkhunghrang 41 an awm mek bawk.
Tags
News