LADC Emergency Session ah Budget thar passed a ni

       Tunkar Thawhtanni atanga tan LADC Emergency Session chu nimin  khan zawhfel niin, kum 2020-2021 LADC Budget Cheng Nuai 18986.91 leh Suplementary Demand for Grant 2019-2020 Cheng Nuai 118.67 lungrual takin passed a ni.

           Hripui l;eng vangin LADC Budget Session chu hun engemawchen neih theih a nih loh hnu ah, tunkar Thawhtanni atang khan neih niin, nimin Session, Pu V.Zirsanga Chairman, LADC kaihhruai ah hian CEM Pu T.Zakunga chuan LADC Budget tlangpui sawinawn in, hemi hnu hian House ah kum 2020-2021 Budget Estimate Cheng Nuai 18986.91 leh kum kalta a sumindaihlohna phuhrukna tur Supplementary Demand for Grant 2019-2020 cheng Nuai 118.67 chu Hose ah lungrual takin passed a ni.

               Session zawh hnu hian Lawngtlai District MJA te chuan CEM Pu T.Zakunga chu hmuin, Journalist Pension atan leh an intuamhlawmna tur bak ah Advertisement leh Subscribtion ah pawisa dahbelh  a nih chungchang ah lawmthu an hrilh a, District MJA President Lalngheta Ralte chuan, hunremchang hmasa ber ah  LADC in an inenkawlna tur pawisa a dahsak atangin Journalist Pension pekchhuah an tum tih a sawi a, CEM chuan tuntum  Budget chu Covid 19 leh a kaihhnawih lam ah sum tamzawk dah a nih thu sawiin,  Eptu lam ten lungrual taka Budget an passed pui chu thillawmawm tak a nih thu sawiin, heihian ram leh hnam tana an inpekna a tilang chiang hle a ni a ti.