Mizoram ah Sorkar, Kohhran leh NGO te chu lungthu pathum angin, rual tak a tanhona vangin Covid 19 dona kawng a hmalakna pawh a chak a ni, I&PR Minister Pu Lalruatkima chuan a ti.
Information Minister hian May 29 khan Lawngtlai thlengin, amah kawmtu Lawngtlai District MJA hruaitute hma ah hethu hi sawiin, hripui donan Sorkar chuan theihtawp a chhuah a, Kohhran leh Tlawmngaipawl ten tha thlah miah lovin an hmazawn ah bei bawk a, hmalaknate chu Pathian in mal a sawm nasa hle a ni a ti.
Lawngtlai Chanchinbumite chuan Sorkar Advertisement chu, sum inrenchem nan a theih chin chin ah Chanchinbu lam a chhuah loh rawtna awm mek chu ennawn nise an duhthu an thlen chu, Minister chuan Finance Department lam lo sawipui a tum thu a sawi a, Journalist te hripui dona ah ral hmatawng a ding an nih vangin insuarance a theih anga ngaihtuahsak tur an ngenna te, Sorkar a Bill an neih te Online payment a an lak theih nan a hmalakna kalmek chu huamzau zawka kalpui tur a an ngenna te pawh, Minister chuan theihtawp chhuah a lo bawhzui a tum thu a sawi bawk.
Lawngtlai Chanchinbumite chuan tunhnai a Lunglei DC hova thukhawmin, ramri tlawh chungchang ah,Chanchinbumite zalenna rapbet zawng a thutlukna an siam chu thalo an tih thu Minister hi hrilhin, Sangau ah Asst. Information & Public Relations Office dah tur a an ngenna pawh, lo zirchian a tum thu a sawi.
Tags
News