Editorial | TUN HI TANRUAL HUN A NI

Hrido nan a NGO te inpekna hi a hlutna chhut chhuah sen a ni lovang, an hmalakna awmlo tase, kan ram chu ngaihtuahawm tak a ni ngei ngei ang.

         Sorkar hmalakna in hrido na leh a kaihhnawih ah nasa takin hmalak a ni a, Sorkar leh NGO te tanrual tlatna chuan rahtha pawh a chhuah nasa hle.

Hri vanga harsatna kan tawh zeltur hi ngaihtuah ngam pawh a nihlohna lai a tamin a rinawm a,  tunah chuan, hmundang a awmte pawn, a tamzawk chuan an mahni District an thleng tawh tur a ngaih a ni a, tunhun hi, nasa zawk a tanrual hun a ni a, engtianginnge kan tanrualna hruihrual chu kan pawhmar ang tih ngaihtuah a, ruahmanna neih zuizel pawh a hlu tulh tulh in a rinawm.

      Tun hi tute emaw dem a phibuai hun a nilova, hri hian englaipawhin kan inchhung, keimahni ngeipawh min luhchilh thei reng a ni tih pawm ila, mimal ang pawh a hri do nan a tangkaina kan neih ah, tun aia nasa zawk a kan penchhuah a pawimawh khawp mai.

          Eitur inchhekkhawl hi a thei tan chuan a tha e, hri hi danbeh a nih siloh chuan, eitur hian a daihloh chin a la thleng dawn tih pawmngam pawh a tul viau awm e.