Covid 19 vanga tawrhna chuan zual lam a la pan chho zelin a rinawm a, hrikai leh kai mai hlauhthawnawm pawh engemawzat Lawngtlai District ah pawh an awm mek a, heng mite enkawlna ah, thawktu indaihlohna vangin harsatna thleng palh thei dinhmun ah, District Hospital chu a awm mek.
Hetiang a nih mek lai hian, hamthatna engmah phut lovin, tlawmngaih chhuah a, midangte nunna chhantur a penchhuak an awmchho mek hi a hlu khawp mai.
Tun ang hun harsa leh khirh tak ah, midang tana inpe te inpekna hi a hlu zual a, midang tana thiltha tih rau rau ah pawh, mahni nunna ngei pawn a tawrh phah thei a ni tih hrechiang sa a, penchhuak te hi mipuiten zahna chibai an buk a tul khawp mai.
Hri hian engtikah nge nasa zawkin min luhchilh dawn a hriatloh, mipui, mimir ah a darh palh lovang tih pawh sawitheih a nilo, thawktu mamawhna pawh a lian tual tual thei, tun hun hi a ni, hnam huaisen, thian chhan thihngam te lanchhuah hun tur chu.
Mi inpe te hian, hri hi an hlaulo a ni bik hauh lova, an mihringpui tanpui ngaite tan a penchhuak ngam khawpin an huaisen a, tun ang hun khirh leh thim lai a penchhuakte hi an hlu zual takzet a ni.
Tags
Editorial