Covid 19 vanga harsatna thleng zozai hi, tehfung leka, chhinchhiah sen a nilo, nunna a lak zozai te hi rapthlak tak a ni.
He hri lak ah hian kan ram chu a theih ang angin a inveng a, hmun tamtak ah phei chuan, kut lawng a, Sapui hliam bei ang maiin, a tulna in a nan miau vangin, hmanrua engmah neilo chung pawn, hri dovin a thei thei an chhuak thin.
Heng zing ah hian Sangau nula, Carolyn Lalvenmawii pawn, hmeichhe awmnem leh tharum neitlem a nihna dah tha in, a hmangaih a ram a him theih nan, ranri vengin a thawkchhuak a, a nunna hial a chanphah ta.
Nula huaisen hian enge mipuite minhnutchhiah tih hi ngaihtuah a pawimawh khawp mai. Ani chuan, tampui hmachhawn thei reng dinhmun ah ram a din lai pawn, a ram tan a theihna zawng zawng a hlan a, keiniho hian, kan ram tan hian enge kan hlan ve inchhut nawn ila, engchennge hrido nan hian kan inhuam tih inenlet ila, ram leh hnam hmangaihna hi, insawi siak lovin, ramtan a takin penchhuak ila, heihi a ni, kan Nula huaisen hian mipuite min hnutchhiah chu ni.
Nula huaisen Carolyn Lalvenmawii hnung zuitur, kan ram hian a mamawh a ni.
Tags
Editorial