Hripui lengmek hi hmunkil khawr tak ah pawh, a natna inkaichhawn theih dan te, kaichawnglo tur a fimkhur dan tur te chu hrelo an awm manglo hial ang. Khawvel tuamchhuak hripui a ni a, a damdawi mumaltak hmuhchhuah a la nihloh vangin, engchennge he hri hian min chamchilh dawn a, nunna engzat nge a lakdawn pawh hriat a nilo.
Hri kan hmelhriat tirh ah kan hlau viau a, kan inkharkhip a, kan rilru ah hri hlauhna a intuh a, mithiamten tihtur leh tihlohtur an tihte pawh kan zawm tha
khawp mai.
Tunah chuan he hri hian kan kawtkai a rawn thleng ve ta reng mai. Mipui lam erawh kan zalen tulh tulh bawk si, kumpuilinglet a inkhung ngawt theih a ni lova, ram economy in a tawrh loh nan hnathawh a ngai a, chu chu, chhungkaw tin pawn kan mamawh a ni lawi si a.
Hrileng kar ah kan nitin nunphung kan zawh a ngai a, hrilaka kan himtheih nan a, a tir lam a tha taka kan kalpui kha, tun hun hi, nasa zawka kan kalpui hun niin a hriat a, hmaituamna, khabe dawm nan a hmandaih hian hrilak ah tumah a veng lova, hri thehdarhtur pawh a veng chuanglo tih hre reng chung si hian, invenna kan hman dan en hian, tamtak hi chuan kan hlauh hi kan hlau lo deuh em a tih theih a, hetiang zel a kan nunchhoh chuan, vanduai thil ah hri hi mipui ah lo darh palh tase, kan tawrhna hi tuamdam hleihtheih a nilovang.
Tags
Editorial