Nimin khan DC leh CEM chuan, District Administration leh District Council chu awmze nei a tanho a tul thu, Council in Covid 19 tanpuina DC a an hlanna ah an sawi ve ve a, hetiang a hruaitu pahnih ten, ram in a mamawh ber ni hial tur a ngaih ah, ngaihdan leh duhdan thuhmun an nei hi a lawmawm khawp mai.
DC a ni emaw, CEM a ni emaw, lo nitawh zawng zawng te kha an tangho ngailo em ni aw, tiin ngaihtuah a hruai peng thei a, an tangho a, an tanhona vangin Lawngtlai District ah hmasawnna pawh hmuhtur a tam a, tuntum a hruaitu pahnihte hian, khang tanhona kha a hlu em a, chhunzawm ila, awmze thuizawk, tangkai zawk, District in a neih theih nan, beihpui i thlak chhunzawm ang an ti a, hetiang ang ngaihdan leh duhdan thuhmun, hruaitu Lawngtlai District in a nei hi a vanneihthlak takzet a ni.
State Sorkar leh Council Sorkar pawh inpawhtlang taka kal thin kha, an inpawhna hruihrual a len belh ngei ngei dawn a, hnathawktu leh thawhtur ruahmantute an thawhhona a that phawt chuan, hmelthar hi a lang ngei ngei ang tih chu mipui tan rinngamloh phal a ni lovang.
Ram mipui tan hruaitu pahnihte rilru puthmang hi thlamuanpui tham a ni a, mipui lam pawn hmalakna tichak tur a theihna an neihte an inhuam a pawimawh a, tanrualna chuan rahtha a chhuah ngei ngei ang tih i beisei ang u.
Tags
Editorial