Hripui vanga tawrhna chuan ziaawmlam a pan chho hret hret a, hetihlai hian, he hri darh tur erawh ven uluk a ngaihdan a tlahniam hleithei lova, fimkhur zual deuh deuh a pawimawh a ni ber mai.
Hrilanchhuahdan te, hrikai enkawldam an nih dan te, hri inkaidarh a awlsam te, hri chungchang hrim hrim chu mipui ten an hreh bel hneh viauin a hriat a, heihian tullova chiaina a veng a, awmze neilova, inkaihhruai theihna a pumpelh theih bawk.
Hetihlai hian, hri hi kan lo hmelhriat rei deuh hret tak vangte, enkawldam an awmchhoh tak nual vangte hian a hlauhawm dan a nep chuanloh vangin, mithiam ten tihtur leh tihlohtur an ruahman te hi, thlahthlam emaw, hnualsuat emaw ngawt chi a nilova, fimkhur taka kan inven reng loh chuan, a hma aia nasa zawkin, he hri hian minluhchilh thewi reng a ni tih hi kan hriatchian a tul khawp mai.
Khawlai a hmaituam lova chhuak, mantur an la awmfote, inthlahdah taka, khabe dawm nan a hman daih te hian awmzia a neihloh mai piah lam ah, mahni mihringpuite, fimkhur taka hri laka invenna kalpui hram hram te zahna ang hial ah a ngaihtheih ang.
Hrilaka kan himtheih nan hian Sorkar emaw, Tlawmngaipawl ten emaw a bulthut atanga min dawm reng hi an tihtur a ni bik lova, mipangngai tan chuan tihtur leh tihlohtur chu hriatsa vek a ni tawh vangin, hri darhtur te, hrilaka himtur te hian mimal tinte pawimawhna a intan chho mek e.
Tags
Editorial